گوجرانوالہ میں بھائی کے ساتھ مل کر بکرا چوری کرنے والا پولیس اہلکار پکڑا گیا۔
اے آر وائی نیوز کے مطابق گوجرانوالہ کے علاقے بٹرانوالی میں معذور شخص کھیت میں بکریاں چرا رہا تھا اس دوران جیل پولیس کا اہلکار وقاص بھائی عمران کے ساتھ ایک بکرا اٹھا کر سائیکل پر بھاگا۔
پولیس کا بتانا ہے کہ معذور شخص کے شور مچانے پر دیہاتیوں نے دونوں بھائیوں کو پکڑ لیا۔
- Advertisement -
بھائیوں نے پکڑے جانے پر اپنا تعارف پولیس اہلکار کے طور پر کروایا، دیہاتیوں نے چور بھائیوں کو تشدد کا نشانہ بنا کر پولیس کے حوالے کردیا۔
پولیس کا کہنا ہے کہ وقاص گوجرانوالہ جیل پولیس کا اہلکار ہے، ملزمان کو گرفتار کرکے مقدمہ درج کرلیا گیا ہے۔
