لاہور : ماڈل گرل نایاب قتل کیس میں پولیس نے مقتولہ سےرابطے میں رہنے والے دس افراد کو شامل تفتیش کرلیا ہے جبکہ ممکنہ قاتل کی سی سی ٹی وی فوٹیج سامنےآ گئی ہے۔
تفصیلات کے طابق ماڈل نایاب کے قتل کی تحقیقات جاری ہے ، پولیس نے نایاب سے رابطے میں رہنے والے دس افراد کو شامل تفتیش کرلیا ہے۔
ایس ایس پی منصورامان کا کہنا ہے کہ پولیس نے شامل تفتیش افراد کے بیانات قلمبند کرلیے، شامل تفتیش افراد کا تعین نایاب کے موبائل ڈیٹا سے کیا گیا۔
پولیس نے بتایا ہے کہ نایاب کے گھر کی عقبی کھڑکی کی جالی ٹوٹی ہوئی ملی ، کھڑکی کے قریب انسانی ہاتھوں کے نشانات فرانزک کیلئے بھجوا دیے ، شبہ ہے قاتل نے فرار کے لیے کھڑکی کا راستہ استعمال کیا۔
منصورامان کا کہنا تھا کہ نایاب کےگھرکی الماریوں میں چیزیں بکھری ہوئی ملیں، نایاب کے سوتیلےبھائی کوپہلے ہی شامل تفتیش کیاجاچکاہے، گھر سے نایاب کی برہنہ حالت میں تشدد زدہ لاش ملی تھی۔
دوسری جانب ماڈل نایاب کے ممکنہ قاتل کی سی سی ٹی وی فوٹیج سامنےآ گئی ہے ، فوٹیج میں نظرآنےوالامشکوک شخص نایاب کا قاتل ہوسکتا ہے۔
پولیس کا کہنا ہے کہ 30 سے 35 سالہ مشتبہ ملزم نے پاجامہ پہن رکھا تھا، مشکوک شخص نایاب کےقتل کےبعد 5بج کر 26 منٹ پر جاتا دکھائی دیا۔
