بہاولنگر: پولیس اہلکاروں کے مبینہ تشدد فائرنگ سے شہری جاں بحق ہوگیا، سب انسپکٹر، اے ایس آئی کےخلاف مقدمہ درج کرلیا گیا۔
تفصیلات کے بعد چک باہو ساڑھو میں درخواست پر شہری کو اہلکارتھانے پابند کرنے گئے، شہری کے پیش ہونے سے انکار پر جھگڑا ہوا، اہلکاروں نے بٹ مارے، پولیس اہلکاروں نے تلخ کلامی اور تشدد کے بعد مبینہ طور پرفائرنگ بھی کی۔
شہری اشتیاق پولیس اہلکاروں کے مبینہ تشدد اور فائرنگ سے دم توڑگیا، ڈی پی او کے نوٹس لینے کے بعد سب انسپکٹر زمان اور اے ایس آئی سلیم مہار کےخلاف مقدمہ درج کرلیا گیا۔
کراچی میں پولیس اہلکاروں نے شہری کے گھرپرقبضہ کرلیا
پولیس نے بتایا کہ کانسٹیبل عظیم سمیت دیگر 6 افراد کے خلاف بھی مقدمہ درج کیا گیا ہے، ایف آئی آردفعہ 302 اور 109 ت پ کے تحت درج کی گئی۔
شہری کی ہلاکت پر مقدمے کے اندراج کے بعد پولیس نے مزید بتایا کہ مفرور ملزمان کی گرفتاری کےلیے پولیس چھاپے مار رہی ہے۔
