کراچی: صوبہ سندھ کے دارالحکومت کراچی میں کچی آبادی کے گٹکا بنانے والا کارخانہ پکڑا گیا، جہاں سے گٹکا بنانے والی مشینیں اور سامان برآمد کرلیں۔
تفصیلات کے مطابق کراچی کے ضلع کیماڑی میں گٹکا ماوا کے خلاف کریک ڈاؤن جاری ہے، چھاپے کے دوران گٹکا بنانے والا کارخانہ پکڑا گیا۔
جیکسن تفتیشی پولیس نے گٹکا فروش کی مدد سے گٹکا بنانے والے کارخانے پر چھاپہ مارا جہاں سے بڑے پیمانے پر گٹکا بنانے والی مشینیں اور سامان برآمد کر لیا گیا ہے۔
پولیس نے بتایا کہ کارخانہ کا مالک احمد خان عرف محبوب ہے جس کے خلاف گٹکا ماوا ایکٹ کے درجنوں مقدمات درج ہیں۔
پولیس کا کہنا ہے کہ کارروائی مقدمہ گٹکا ماوا ایکٹ میں گرفتار شدہ ملزم عبدالواحد کی نشاندھی پر عمل میں لائی گئی، گرفتار ملزم کے قبضے سے 110 پڑیاں گٹکا برآمد ہوا تھا جس نے دوران انٹروگیشن مذکورہ کارخانے کی نشاندھی کی تھی۔
پولیس کا کہنا ہے کہ کارخانہ کے مالک احمد خان عرف محبوب کی گرفتاری کیلئے کوششیں جاری ہے۔
