خان پور : گزشتہ روز اسکول جاتے ہوئے اغوا ہونے والے دو نوں بچوں کو بہاولپورسے بازیاب کرالیا گیا ہے۔
تفصیلات کے مطابق رحیم یار خان کی تحصیل خان پور میں اسکول جاتے ہوئے اغوا ہونے والے دونوں بچوں کو بازیاب کرالیا گیا، بچوں کو بہاولپور سے بازیاب کرایا گیا۔
پولیس ذرائع کا کہنا ہے بچوں کو بہاولپورسے لیکرپولیس روانہ ہوگئی ہے جبکہ بچوں کے والد ڈاکٹرحسن محمود نے بتایا کہ پولیس ٹیم نےمیری فیملی سے بچوں کی ویڈیوکال پربات کرائی ہے۔
گذشتہ روز خان پور میں سٹی کی حدود ماڈل ٹاون سے ڈرائیور کے ساتھ اسکول جانے والے سابق ایم ایس ایس تحصیل ہیڈ کوارٹر ہسپتال خانپور ڈاکٹر حسن محمود اور لیڈی ڈاکٹر ذونازش کے بیٹوں 11سالہ شایان اور 7سالہ سبحان کو اغوا کرلیا گیا تھا۔
بچوں کی دادی کی سوشل میڈیا پر ڈاکوؤں سے التجا کی تھی کہ دونوں بچے بیمار ہیں، رمضان کا واسطہ انہیں گھر پر چھوڑجائیں، اغواکاروں سےاپیل کرتی ہوں ان پرسلامتی بھیجتی ہوں،بچوں کوچھوڑ دیں۔
بعد ازاں ڈاکٹرز کمیٹی نے انتظامیہ کو چند گھنٹوں کی مہلت دیتے ہوئے کہا تھا کہ بچے بازیاب نہ ہوئے تو تمام سرکاری وغیر سرکاری ہسپتالوں میں کام بند کردیں گے۔
