The news is by your side.

Advertisement

‌‌کراچی : لیبراسکوائرلانڈھی میں تصادم کے 3 مقدمات درج

کراچی : پولیس نے لیبراسکوائرلانڈھی میں دوگروپوں کے درمیان تصادم کے تین مقدمات درج کر لیے، تصادم میں ایک شخص جاں بحق2افراد زخمی ہوئے تھے۔

تفصیلات کے مطابق کراچی کے علاقے لیبراسکوائرلانڈھی میں تصادم کے معاملے پر پولیس نے واقعے کے تین مقدمات درج کر لیے جبکہ واقعے کی ایک اور ویڈیو بھی سامنے آگئی۔

ویڈیو میں شدید فائرنگ کی آوازیں سنی جا سکتی ہیں جبکہ کئی افراد اپنے ہاتھوں میں اسلحہ لیکر گھومتے رہے اور پولیس صورتحال پر قابو پانے میں ناکام رہی۔

پولیس کا کہنا ہے کہ مرکزی ملزم سمیت5مشتبہ افراد کو حراست میں لے لیا ہے اور ویڈیو کی مدد سے مزید ملزمان کی تلاش جاری ہے۔

گذشتہ روز کراچی میں لانڈھی لیبراسکوائرکے قریب فائرنگ سے ایک شخص جاں بحق ہوگیا تھا ، پولیس کا کہنا تھا کہ واقعہ دوگروپوں کےدوران جھگڑے کے دوران پیش آیا، جھگڑے کے دوران فائرنگ اور ڈنڈوں کےوارسے 3 افراد بھی زخمی ہوئے۔

پولیس نے بتایا تھا کہ اسپتال منتقلی کےدوران ایک شخص جاں بحق ہوا جبکہ جھگڑےمیں زخمی ہونے والے 2افرادکوطبی امداد دی ، جھگڑے میں نامعلوم افراد نے 2دکانوں اورگاڑیوں کےشیشےتوڑدیئے

Comments

یہ بھی پڑھیں