کراچی: شہر قائد کے علاقے ڈیفنس میں نامعلوم نقاب پوش کارسواروں کی فائرنگ سے ہلاک ہونے والے چینی شہری کے قتل کا مقدمہ سی ٹی ڈی میں درج کرلیا گیا۔
تفصیلات کے مطابق کراچی کے علاقے ڈیفنس زم زمہ پارک کے قریب نامعلوم نقاب پوش افراد کی فائرنگ سے ہلاک ہونے والے چینی شہری کے قتل کا مقدمہ درج کرلیا گیا۔
چینی شہری کے قتل کا مقدمہ نامعلوم افراد کے خلاف سرکاری مدعیت میں درج کیا گیا جس میں قتل،اقدام قتل اور انسداد دہشت گری کی دفعات شامل ہیں۔
کراچی : ٹارگٹ کلنگ، فائرنگ سے چینی شہری ہلاک
خیال رہے کہ گزشتہ روز کراچی میں ڈیفنس زم زمہ پارک کے قریب نامعلوم نقاب پوش کار سواروں نے دو غیر ملکی باشندوں کی گاڑی پر فائرنگ کر دی، جس کے نتیجے میں چینی شہری ہلاک جبکہ رکشہ ڈرائیور سمیت 2 افراد زخمی ہوئے تھے۔
- Advertisement -
آئی جی سندھ پولیس اے ڈی خواجہ نے واقعے کی تحقیقات سی ٹی ڈی کے سپرد کردی۔ انچارج راجا عمرخطاب واقعے کی تحقیقات کریں گے۔