لاہور : کوئٹہ کی پولیس ٹیم پی ٹی آئی چیئرمین عمران خان کو گرفتار کرنے لاہور پہنچ گئی ، عمران خان کو گرفتار کرکے مچھ جیل لے جایا جائے گا۔
تفصیلات کے مطابق چیئرمین تحریک انصاف عمران خان کے وارنٹ گرفتاری لیکر کوئٹہ کی پولیس ٹیم لاہور پہنچ گئی۔
ایس پی سٹی ندیم کوئٹہ سےآنیوالی پولیس ٹیم کی قیادت کررہے ہیں، پولیس ٹیم میں ڈی ایس پی ،سب انسپکٹر 2 گارڈ اور ڈرائیور بھی شامل ہیں۔
ذرائع پولیس نے بتایا کہ گرفتاری کیلئےاینٹئ رائٹ فورس سمیت1300اہلکار طلب کئےجائیں گے، عمران خان کی گرفتاری کیلئے سی سی پی او لاہور بلال صدیق کمیانہ کو اطلاع کر دی گئی ہے۔
خیال رہے کوئٹہ جوڈیشل مجسٹریٹ کی عدالت نے عمران خان وارنٹ گرفتاری جاری کررکھے ہیں۔
دو روز قبل عبد الخلیل کاکڑ نامی شہری نے کوئٹہ کے بجلی گھر تھانے میں عمران خان کے خلاف اداروں کے خلاف ہرزہ سراہائی کا مقدمہ درج کروایا تھا۔
عبد الخلیل کاکڑ نے درخواست میں موقف اختیار کیا تھا کہ عمران خان نے ریاستی اداروں کے افسران کے خلاف بلاجواز اشتعال انگیز تقاریر کر کے نفرت پھیلائی۔
