لاہور: پولیس نے جہلم سے لاپتہ ہونے والی لڑکی کو تلاش کرلیا، لڑکی کے مبینہ اغوا کا مقدمہ درج تھا۔
تفصیلات کے مطابق لاہور پولیس نے جہلم سے لاپتہ ہونے والی لڑکی داتا دربار کے قریب ڈھونڈ نکالی ، لاپتہ لڑکی کے والد نے داتاد ربار میں لڑکی کی موجودگی پر مدد کیلئے 15 پر کال کی تھی۔
جس پر ایس ایچ او داتا دربار نے ٹیم کے ہمراہ لڑکی کی فوری تلاش شروع کی اور سی سی ٹی وی کیمروں کی مدد سے ذہنی معذور لڑکی کو ڈھونڈ نکالا۔
- Advertisement -
پولیس کا کہنا تھا کہ لڑکی کی تلاش کیلئے سیف سٹی کیمروں سمیت جدیدٹیکنالوجی کو بروئےکارلایاگیا اور لڑکی کو تلاش کرکے فوری ورثا سے رابطہ کیا گیا ہے۔
حکام نے مزید بتایا کہ لاپتہ لڑکی کے مبینہ اغوا کا مقدمہ درج تھا۔
