The news is by your side.

Advertisement

صحافی اطہر متین قتل کیس : پولیس کو بڑی کامیابی مل گئی

کراچی: پولیس نے صحافی اطہر متین قتل کیس میں ڈاکوؤں کی موٹر سائیکل کا سراغ لگا لیا، موٹر سائیکل بلوچستان سے خرید گئی۔

تفصیلات کے مطابق صحافی اطہر متین بہیمانہ قتل کیس میں پولیس نے ڈاکوؤں کی موٹر سائیکل کا پتہ لگالیا، تفتیشی حکام نے بتایا کہ موٹر سائیکل بلوچستان کے علاقے خضدار سے خرید گئی۔

تفتیشی حکام کا کہنا تھا کہ موٹر سائیکل 2020 میں خریدی گئی جو محمد جہانگیر کے نام پر ہے، موٹرسائیکل 125سی سی ہے مگر دستاویز میں 70سی سی سامنے آئی۔

حکام کے مطابق موٹر سائیکل کے چیچز میں ردو بدل کی گئی ہے، جس شخص کی موٹر سائیکل چھینی گئی اس کی تلاش جاری ہے۔

یاد رہے صحافی اطہرمتین کے بہیمانہ قتل کے واقعے کی سی سی ٹی وی فوٹیج سامنے آگئی ، جس میں ملزمان کو باآسانی فرار ہوتے دیکھا جاسکتا تھا۔

سی سی ٹی وی کے مطابق واقعہ صبح 8 بجکر 29 منٹ پر پیش آیا اور ملزم پیدل موٹرسائیکل لے کر بھاگ رہا ہے جبکہ ایک ملزم نے ہیلمٹ اوردوسرے نے کیپ پہن رکھی ہے۔

دوسری جانب پولیس کی جانب سے صحافی اطہرمتین کے قتل کے واقعے کی تفتیش جاری ہے، تفتیشی ذرائع نے بتایا ہے کہ ملزمان سے متعلق سی سی ٹی وی فوٹیجز سے مدد ملی ہے۔

پولیس حکام کا کہنا تھا کہ صحافی اطہرمتین کے قاتلوں کو جلد گرفتار کرلیا جائے گا۔

خیال رہے کراچی میں جرائم پیشہ عناصر نے سینیئر صحافی اطہر متین کو قتل کردیا تھا، ملزمان میں نارتھ ناظم آباد میں گاڑی پر گولیاں برسادیں۔

Comments

یہ بھی پڑھیں