گھوٹکی : صوبہ سندھ کے شہر گھوٹکی میں پولیس اور ڈاکوؤں کے درمیان فائرنگ کے تبادلے میں ایک پولیس اہلکار شہید ہوگیا۔
تفصیلات کے مطابق گھوٹکی میں مرید شاخ رینی پل کے قریب ڈاکوؤں اورپولیس میں مقابلہ ہوا، فائرنگ کے تبادلے میں ایک پولیس اہلکارشہید ہوگیا۔
ایس پی اسد اعجاز ملہی کے مطابق ملزمان 2 مغوی کاشت کاروں کولے کرموقع سے فرار ہوگئے، ملزمان کا تعاقب جاری ہے۔
کراچی میں پولیس مقابلہ‘ 2 ٹارگٹ کلرہلاک
خیال رہے کہ دو روز قبل کراچی میں ابوالحسن اصفہانی روڈ پر اسکاؤٹ کالونی کے قریب پولیس مقابلے میں دو ٹارگٹ کلر مارے گئے تھے۔
پولیس حکام کے مطابق مقابلے میں ہلاک ایک ٹارگٹ کلرکی شناخت ریحان بنگالی جبکہ دوسرے کی معصوم کے نام سے ہوئی تھی۔
حیدرآباد میں پولیس مقابلہ‘ 2 ڈاکو زخمی حالت میں گرفتار
یاد رہے کہ گزشتہ ماہ حیدرآباد میں موسیٰ کھٹیان لنک روڈ پر پولیس نے مبینہ مقابلے میں دو ڈاکوؤں کو زخمی حالت میں گرفتارکرکے اسلحہ برآمد کیا تھا۔
