گوجرانوالہ: کالعدم تنظیم کے کارکنان کے تشدد سے شہید ہونے والے پولیس اہلکار کی لاش مل گئی ، پولیس کانسٹیبل کو شہید کرکے لاش ڈیرہ گجراں کے کھیت میں پھینک دی گئی تھی۔
تفصیلات کے مطابق کالعدم تنظیم کے کارکنان کے تشدد سے پولیس اہلکار شہید ہوگیا ، شہید کانسٹیبل عدنان کی لاش پوسٹ مارٹم کیلئے ٹی ایچ کیو وزیرآباد منتقل کردی گئی ہے، کانسٹیبل عدنان وزیر آباد میں ڈیوٹی کےفرائض انجام دےرہا تھا۔
پولیس نے پولیس اہلکار کی شہادت کا مقدمہ درج کرلیا ہے، ترجمان کا کہنا ہے کہ پولیس کانسٹیبل کو شہید کرکے لاش ڈیرہ گجراں کے کھیت میں پھینک دی گئی، رپورٹ کی روشنی میں مزید قانونی کارروائی کی لائی جائے گی
سی پی او نے کہا کہ شہیداہلکارنےشہریوں کے جان و مال کے تحفظ پر اپنی جان نچھاور کی۔
دوسری جانب وزیرآباد میں تشدد سے شہید پولیس اہلکار کی نماز جنازہ اداکردی گئی ، شہیدکانسٹیبل عدنان احسان کی نمازجنازہ پولیس لائن میں ادا کی گئی ، نمازجنازہ میں پولیس افسران ،پاک آرمی ،رینجرز جوانوں نے شرکت کی۔
گوجرانوالہ:عدنان احسان کو قومی اعزاز کیساتھ وحدت کالونی میں سپردخاک کیا جائے گا ، شہید پولیس کانسٹیبل عدنان احسان 6سال کی بچی کا والد تھا۔
