تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

اے آر وائی نیوز کی بندش پر سیاسی اور مذہبی رہنماؤں کی بھی مذمت

اے آر وائی نیوز کی نشریات کی بندش پر ملک کی مختلف سیاسی ومذہبی جماعتوں کے رہنماؤں اور اوور سیز پاکستانیوں نے بھی بھرپور مذمت کی ہے۔

عوامی مسلم لیگ کے سربراہ شیخ رشید احمد نے کہا ہے کہ 9 محرم الحرام کو اے آر وائی نیوز کو بند کرنا یزیدیت کا فیصلہ ہے، آج کے دن یزیدی قوت ہی اے آر وائی نیوز کو بند کرسکتی ہے، جس کی بھرپور مذمت کرتے ہیں۔ سمجھ سے باہر ہے یزیدی طاقتیں اے آر وائی نیوز کو کیوں نہیں چلنے دیتیں۔

پی ٹی آئی کے مرکزی رہنما فواد چوہدری نے کہا کہ حکومت کے اس اقدام نے آمرانہ دور کی یاد تازہ کردی۔ حکومت بوکھلاہٹ کا شکار ہوچکی ہے لیکن اے آر وائی نیوز کی بندش نامنظور، لاٹھی گولی کی سرکار نا منظور۔ شہباز گل نے کہا کہ حکومت کے پاس اپنے کرتوتوں کا جواب نہیں ہے۔ ایسے اوچھے ہتھکنڈے کامیاب نہیں ہوں گے۔ ملک کے پسندیدہ چینل کو اس طرح بند نہیں کیا جا سکتا۔ فرخ حبیب، بابر اعوان، عثمان ڈار، عالیہ حمزہ ودیگرنے بھی شدید مذمت کی ہے۔

سابق گورنرخیبرپختونخوا شاہ فرمان نے اے آر وائی نیوز کی نشریات بند کرنے کی مذمت کرتے ہوئے کہا کہ اے آر وائی نیوز حق اور سچ کی آوازبن چکا ہے لیکن موجودہ حکومت آزادی صحافت پر یقین نہیں رکھتی۔

سنی اتحاد کونسل اور پاکستان علما کونسل نے بھی پیمرا کے حکم پر اے آر وائی نیز کی نشریات بند کرنے کی شدید مذمت کی ہے۔

 

Comments

- Advertisement -