The news is by your side.

Advertisement

اسحاق ڈار برطانیہ میں پناہ لینے کیلئے سیاسی آڑ نہیں لے سکتے، شہزاد اکبر

اسلام آباد : وزیراعظم کے معاون خصوصی برائے احتساب شہزاد اکبر نے کہا ہے کہ اسحاق ڈار برطانیہ میں سیاسی پناہ لینے کیلئے سیاسی آڑ نہیں لے سکتے، فواد چوہدری کا کہنا ہے کہ درخواست سے ثابت ہوگیا کہ وہ چور ہیں۔

تفصیلات کے مطابق سابق وزیر خزانہ اسحاق ڈار کے حوالے سے برطانیہ میں سیاسی پناہ لینے سے متعلق درخواست پر وفاقی وزیر اطلاعات فواد چوہدری اور وزیر اعظم کے معاون خصوصی برائے احتساب شہزاد اکبر نے اپنے درعمل کا اظہار کیا ہے.

شہزاد اکبر کا کہنا ہے کہ اسحاق ڈار کی اس قسم کی خبر سے مجھے کوئی حیرت نہیں ہورہی، تاہم ابھی تک ان کی سیاسی پناہ سے متعلق درخواست کی تصدیق نہیں ہوسکی ہے.

تفصیلات جاننے کی کوشش کرہاہوں، اسحاق ڈار کی سیاسی پناہ سے متعلق خبر میڈیا کے ذریعے مجھ تک پہنچی، انہوں نے بتایا کہ ایک ہفتے کیلئے برطانیہ جارہا ہوں، حکومت پاکستان اسحاق ڈار کی برطانیہ بدری کی درخواست پہلے ہی دے چکی ہے لہٰذا اسحاق ڈار پناہ کی درخواست کیلئے سیاسی آڑ نہیں لے سکتے۔

سیاسی پناہ کی درخواست ثابت کرتی ہے کہ اسحاق ڈار چور ہیں، فواد چوہدری 

اس حوالے سے وفاقی وزیر اطلاعات فواد چوہدری کا کہنا ہے کہ اسحاق ڈار کی سیاسی پناہ کی درخواست ثابت کرتی ہے کہ وہ چور ہیں، ان کے ہاتھ صاف ہوتے تو ملک سے کبھی فرار نہ ہوتے۔

اسحاق ڈار عدالتوں میں اپنے کیخلاف مقدمات کاسامنا کریں، قانونی عمل سے بھاگنے کا مطلب جرم قبول کرنا ہوتا ہے، عوام چاہتے ہیں کہ ملکی دولت لوٹنے والوں کیخلاف عالمی برادری ساتھ دے۔

مزید پڑھیں : اشتہاری ملزم اسحاق ڈار نے برطانیہ میں سیاسی پناہ کی درخواست دے دی

واضح رہے کہ سابق وزیر خزانہ اور آمدنی سے زائد اثاثہ جات ریفرنس میں عدالت سے مفرور اسحاق ڈار نے برطانیہ میں سیاسی پناہ کے حصول کیلئے درخواست دی ہے، سابق وزیر خزانہ نے ہوم آفس میں اپنے میڈیکل سرٹیفکیٹ بھی دکھائے۔

Comments

comments

یہ بھی پڑھیں