site
stats
پاکستان

کرکٹرحنیف محمد کا علاج سرکاری خرچ پرکیا جائے گا، وزیراعظم

اسلام آباد : وزیراعظم پاکستان میاں محمد نوازشریف نے لیجنڈ کرکٹر حنیف محمد کی صحت یابی کے لیے دعا کرتے ہوئے کہا ہے کہ ان کے علاج میں کوئی کسر نہیں چھوڑی جائے گی۔ان کے علاج کے اخراجات وفاقی حکومت برداشت کرے گی۔ 

تفصیلات کے مطابق لیجنڈ کرکٹر حنیف محمد تشویشناک حالت میں کراچی کے ایک نجی اسپتال میں داخل ہیں، اس ضمن میں اُن کے بیٹے نے حکومت سے مدد کی اپیل کی تھی ۔

وزیر اعظم نوازشریف نے لیجنڈ کرکٹر کے صاحبزادے شعیب محمد کی اپیل کا نوٹس لیتے ہوئے اعلان کیا ہے کہ ’’ معروف کرکٹر کے علاج کا پورا خرچہ وفاقی حکومت کی جانب سے برداشت کیا جائے گا۔

انہوں نے کہا کہ حنیف محمد کے علاج کے لیے کوئی کسر نہیں چھوڑی جائے گی،وزیر اعظم نے حنیف محمد کی خدمات کو سراہتے ہوئے اُن جلد صحتیابی کے لیے دعا کی‘‘۔

پڑھیں :     لٹل ماسٹر ’حنیف محمد‘ کی حالت تشویشناک اسپتال میں داخل

 دوسری جانب وزیر اعلیٰ پنجاب شہباز شریف نے لیجنڈ کرکٹر کے صاحبزادے شعیب محمد سے ٹیلی فون پر رابطہ کر کے حنیف محمد کی جلد صحتیابی اور نیک خواہشات کا اظہار کیا، شہباز شریف نے مزید کہا کہ ’’حنیف محمد نے دنیا بھر میں پاکستان کا نام روشن کیا۔ خادم اعلیٰ نے شعیب محمد کو یقین دلایا کہ ’’لیجنڈ کرکٹر کے علاج و معالجے میں آنے والے تمام اخراجات پنجاب حکومت برداشت کرے گی‘‘۔

علاوہ ازیں ایم کیو ایم کی قیادت کی جانب سے بھی لیجنڈ کرکٹر حنیف محمد کی جلد صحت یابی کے لیے دعا کرتے ہوئے اپنی نیک خواہشات کا اظہار کیا گیا ہے۔

یاد رہے لٹل ماسٹر حنیف محمد نے 55 ٹیسٹ میچز میں پاکستان کی نمائندگی کرتے ہوئے 3915 رنز اسکور کئے جس میں ویسٹ انڈیز کیخلاف 337 رنزکی انفرادی اننگ بھی شامل ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top