The news is by your side.

Advertisement

سبیکاشیخ کی ناگہانی موت، امریکہ ،پاکستان کے سفارتخانوں اور سیاسی رہنماؤں کا اظہار افسوس

اسلام آباد : امریکی اسکول فائرنگ میں پاکستانی ذہین اورہونہارطالبہ سبیکا شیخ کی ناگہانی موت سب کو سوگوار کر گئیں، امریکی اور پاکستانی سفارتخانوں اور سیاسی رہنماؤں نے سبیکا کے اہلخانہ اور دوستوں سے اظہار تعزیت کیا ہے۔

تفصیلات کے مطابق سبیکا شیخ کی اچانک موت سب کو سوگوار کر گئیں، امریکا میں پاکستانی سفیراعزازچوہدری نے اسکول میں فائرنگ سے اموات پر دکھ کا اظہار کیا۔

اے آر وائی نیوز سے گفتگو کرتے ہوئے پاکستانی سفیر نے کہا کہ سبیکا شیخ کے اہلخانہ کےغم میں برابرکے شریک ہیں۔

ہیوسٹن میں پاکستانی قونصل جنرل عائشہ فاروقی نے بتایا کہ اس واقعہ کے بعد سے امریکی حکام سے رابطے میں ہے، مزید تفصیلات کا انتظار ہے۔

امریکی سفارتخانے کی جانب سے سماجی رابطے کی ویب سائٹ ٹوئٹر پر بیان میں امریکی سفیرڈیوڈہیل نے سبیکا شیخ کی فیملی سے تعزیت کا اظہار کیا اور کہا کہ بطور ایکسچینج اسٹوڈنٹ، سبیکا نوجوانوں کی سفیر تھیں اور ہمارے عوام اور ثقافت کے درمیان پل تھیں، پاکستان میں امریکی مشن میں سبیکا کی موت پرہرشخص سوگوارہے۔

پاکستان تحریک انصاف کے سربراہ عمران خان نے سماجی رابطے کی ویب سائٹ ٹوئٹر پر سبیکا شیخ کی موت پر افسوس کا اظہار کرتے ہوئے کہا سبیکہ شیخ کی المناک موت پرصدمہ اوردکھ ہے، اللہ اہلخانہ کو ناقابل تلافی نقصان برداشت کرنے کی ہمت عطا کرے۔

پیپلز پارٹی کے چیئرمین بلاول بھٹو زرداری نے سانتافے ٹیکساس کے اسکول میں اموات پر اظہار افسوس کرتے ہوئے کہا کہ معصوم طلباکی اموات پربہت افسوس ہوا، پاکستانی لڑکی سبیکہ کی موت پر دلی صدمہ پہنچا۔

ڈپٹی چیئرمین سینیٹ سلیم مانڈوی والا نے ٹیکساس میں فائرنگ سے ہونے والی ہلاکتوں پر اظہارافسوس کرتے ہوئے فائرنگ سےجاں بحق پاکستانی طالبہ سبیکاشیخ کے والدین سے اظہار تعزیت کیا۔

سلیم مانڈوی والا کا کہنا تھا کہ ٹیکساس میں فائرنگ سے سبیکاشیخ کی ہلاکت پرافسوس ہواہے، دکھ کی گھڑی میں والدین کےغم میں برابر کے شریک ہیں، امریکا میں فائرنگ کے بڑھتے واقعات تشویش ناک ہیں۔

ایم کیو ایم کی رکن اسمبلی ارم عظیم فاروقی نے بھی امریکہ کے اسکول میں فائرنگ سے سبیکاشیخ کی ہلاکت پر افسوس کا اظہار کرتے ہوئے وہ ایکسچینج ایئر پروگرام کیلئے امریکہ میں تھی اور عید پر اپنے گھر واپس آنے والی تھی، سبیکا کو اپنی دعاؤں میں یاد رکھیں۔


مزید پڑھیں : امریکا، اسکول میں فائرنگ 10 افراد ہلاک، حملہ آور گرفتار


خیال رہے کہ گذشتہ روز امریکی شہرہیوسٹن کے قریب سانتافے کے ہائی اسکول میں فائرنگ سے پاکستانی طالبہ سبیکا شیخ سمیت دس افرادجاں بحق اور بیس زخمی ہوگئے جبکہ پولیس نے سترہ سالہ حملہ آورطالب علم کوگرفتارکرلیا تھا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں