لاہور : وزیراعلیٰ پنجاب شہبازشریف کا کہنا ہےکہ عوام جھوٹ کےماہر کی منفی سوچ اورانتشارکی سیاست سے تنگ آچکے ہیں۔
تفصیلات کے مطابق وزیراعلیٰ پنجاب شہباز شریف نے لاہور میں میڈیا سے بات کرتے ہوئے کہا کہ نیازی صاحب نے دھرنوں اورلاک ڈاؤن سےخوشحالی کے خلاف سازش کی۔
شہبازشریف کا کہنا تھا کہ بےبنیاد الزامات لگانے والے سیاستدان کو ہرالیکشن میں شکست ہوئی اور جھوٹ کا ورلڈ ریکارڈ بنانے والے سیاستدان قوم کوگمراہ نہیں کرسکتے۔
وزیراعلیٰ پنجاب کا کہنا تھا کہ سیاست ،دیانت اورایمانداری سےعوام کی خدمت کانام ہے جبکہ عوام کی خدمت سےعاری جھوٹ سے سیاست چمکانےکی کوشش کررہے ہیں۔
یاد رہےکہ گزشتہ دنوں وزیراعلیٰ پنجاب شہبازشریف کا کہنا تھا کہ بیساکھیوں پراقتدارکا راستےڈھونڈنےوالوں کی خواہش پور ی نہیں ہوگی۔ انہوں نے کہا تھا کہ مسترد عناصر آئندہ الیکشن میں اپنی شکست کے ڈرسے بوکھلاہٹ کا شکارہیں۔
روزنیا سیاسی تماشا لگانے والے ہوش کے ناخن لیں‘ شہباز شریف
واضح رہے کہ رواں ماہ 22 جولائی کو وزیراعلیٰ پنجاب شہبازشریف کا کہنا تھا کہ عوام نے جھوٹ کی سیاست کے علمبرداروں کو مسترد کیا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
0
20
