راولاکوٹ: آزاد کشمیر کے پونچھ ڈویژن کے چار اضلاع میں پولنگ شروع ہو گئی۔

تفصیلات کے مطابق آزاد کشمیر میں بلدیاتی الیکشن کے دوسرے مرحلے میں پونچھ ڈویژن کے 4 اضلاع میں پولنگ جاری ہے۔

راولاکوٹ، باغ، سدھنوتی اور حویلی کہوٹہ میں ووٹنگ جاری ہے، 10 لاکھ 17 ہزار ووٹرز کے لیے 1867 پولنگ اسٹیشن قائم کیے گئے ہیں، میونسپل کارپوریشن، ڈسٹرکٹ کونسل اور یوسیز کے 787 وارڈز پر الیکشن ہو رہا ہے۔

پونچھ ڈویژن کے 4 اضلاع میں 3583 امیدوار میدان میں مد مقابل ہیں، 6 امیدوار بلامقابلہ کونسلر منتخب ہو چکے ہیں، سیکیورٹی کے لیے 9 ہزار 500 اہل کار تعینات ہیں، پنجاب پولیس اور کے پی پولیس کی نفری بھی تعینات کی گئی ہے۔