اتوار, فروری 9, 2025
اشتہار

بلوچستان کے مختلف اضلاع میں بلدیاتی انتخابات کیلیے پولنگ کا وقت ختم

اشتہار

حیرت انگیز

بلوچستان کے مختلف اضلاع میں بلدیاتی انتخابات کے لیے پولنگ کا وقت ختم ہوگیا جو بغیر کسی وقفے کے شام 5 بجے تک جاری رہا۔

اے آر وائی نیوز کے مطابق لسبیلہ، حب، حرمزئی اور پشین میں بلدیاتی الیکشن کے لیے پولنگ بغیر کسی وقفے کے شام 5 بجے تک جاری رہی۔

الیکشن کمیشن کا کہنا ہے کہ صرف پولنگ اسٹیشنز میں موجود افراد ہی ووٹ کاسٹ کر سکیں گے، تمام پولنگ اسٹیشنز میں ووٹوں کی گنتی کا عمل جاری ہے۔

کچھ پولنگ اسٹیشن پر ووٹرز کے پہنچنے کے باوجود پولنگ تاخیر سے شروع ہونے کی شکایات موصول ہوئیں۔

لسبیلہ کی 2 مونسپل کمیٹیز، 20 یونین کونسلز میں ووٹنگ ہوئی جب کہ 146 وارڈز میں سے 27 وارڈز میں امیدوار بلامقابلہ کامیاب ہوگئے۔

یہاں رجسٹرڈ ووٹرز کی تعداد ایک لاکھ 36 ہزار 703 ہے جن میں مرد ووٹرز کی تعداد 76 ہزار 698 جب کہ خواتین ووٹرز کی تعداد 60 ہزار ہے۔

ووٹرز کے لیے 133 پولنگ اسٹیشن قائم کیے گئے جن میں 9 پولنگ اسٹیشنز انتہائی حساس اور 42 حساس قرار دیے گئے۔ سکیورٹی کے لیے پولیس، لیویز اور ایف سی جوان تعینات کیے گئے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں