The news is by your side.

Advertisement

وفاقی وزیرصحت عامر کیانی اسلام آباد میں فضائی آلودگی کے سدباب کے لیے متحرک

اسلام آباد: وفاقی وزیر صحت عامر کیانی نے اسلام آباد کی فضا میں بڑھتی ہوئی آلودگی کا نوٹس لے لیا، کہتے ہیں کہ آلودہ فضا شہریوں کو بیمار کرنے کا سبب بن رہی ہے۔

تفصیلات کے مطابق وفاقی وزیرصحت نےوزیراعظم کےمشیربرائےماحولیات کےنام مراسلہ تحریر کیا ہے کہ عالمی موسمیاتی تبدیلی سےشہری فضاشدیدمتاثرہورہی ہے۔

ان کا کہنا ہے کہ شہروں کی آلودہ فضاانسانی صحت پراثراندازہورہی ہے،شہروں میں فضائی آلودگی خطرناک امراض کوجنم دےرہی ہے۔اسلام آبادکی فضامیں آلودگی اہم ترین موسمیاتی مسئلہ ہے۔

عامر کیانی نے مراسلے میں کہا ہے کہ صحت مندطرزسےفضائی آلودگی کی روک تھام ممکن نہیں ہے ۔ فضائی آلودگی سےسانس وامراض قلب میں اضافہ ہورہاہے،فضائی آلودگی سےسالانہ22ہزاراموات واقع ہوتی ہیں۔

وفاقی وزیر صحت کا کہنا تھا کہ فضائی آلودگی کےباعث سالانہ 700بچےموت کاشکاربنتےہیں،اسلام آبادکےصنعتی علاقوں میں فضاآلودہ ترین ہے،صنعتی سیکٹرزآئی9، آئی 10میں فضاآلودہ ہے۔

ان کا کہنا تھا کہ آئی 9،آئی 10میں فضائی آلودگی کاجائزہ لینےکی ضرورت ہے،مخصوص ہوائی سروے سے فضائی آلودگی کا جائزہ لیا جا سکتا ہے۔ہوائی سروےانوائرمنٹل پروٹیکشن ایجنسی کےتعاون سےممکن ہے۔

انہوں نے اپنے مراسلےمیں یہ بھی کہا کہ یہ مسئلہ سنگین ہے ،وزیراعظم عمران خان سےاسلام آبادمیں فضائی آلودگی پربات کروں گا۔

Comments

comments

یہ بھی پڑھیں