The news is by your side.

Advertisement

پوپ فرانسس لفٹ میں پھنس گئے

ویٹی کن سٹی: کیتھولک مسیحیوں کے روحانی پیشوا پوپ فرانسس لفٹ میں پھنس گئے۔

خلیج ٹائمز کی رپورٹ کے مطابق کیتھولک میسحیوں کے روحانی پیشوا پوپ فرانسس 25 منٹ تک لفٹ میں پھنسے رہے، فائر فائٹرز کی جانب سے انہیں ریسکیو کیا گیا۔

رپورٹ کے مطابق سینٹ پیٹر اسکوائر میں اتوار کے روز ہزاروں لوگ پوپ فرانسس کا خطاب سننے کے لیے موجود تھے جب پوپ فرانسس کافی وقت گزرنے کے باوجود نہیں آئے تو لوگ پریشان ہوگئے۔

پوپ کا پتا اس وقت چلا جب کسی نے کہا کہ وہ پچیس منٹ سے لفٹ میں بند ہیں۔

مزید پڑھیں: پوپ فرانسس کا ایمزون میں خوفناک آتشزدگی پر اظہار تشویش

بعدازاں پوپ فرانسس خطاب کے لیے آئے تو انہوں نے کہا کہ میں آپ لوگوں کو انتظار کروانے پر معافی مانگتا ہوں، میں لفٹ میں 25 منٹ تک پھنسا رہا جس کے سبب وقت پر نہ پہنچ سکا۔

پوپ فرانسس نے ویٹی کن سٹی ڈیپارٹمنٹ کے فائر فائٹرز کا شکریہ ادا کیا کہ فائر فائٹرز نے انہیں لفٹ سے باہر نکال لیا۔

انہوں ںے فائر فائٹرز کے لیے ہال میں موجود افراد سے تالیاں بھی بجوائیں بعدازاں پوپ فرانسس نے مختلف 13 پادریوں کا انتخاب بھی کیا۔

ویٹی کن سٹی کے ترجمان کی جانب سے یہ واضح نہیں کیا گیا ہے کہ لفٹ میں پوپ فرانسس اکیلے تھے یا ان کے ساتھ کوئی موجود تھا۔

Comments

comments

یہ بھی پڑھیں