پناہ گزینوں کااحترام کرنا ہمارے ایمان کا جزہے -
The news is by your side.

Advertisement

پناہ گزینوں کااحترام کرنا ہمارے ایمان کا جزہے

اسلام آباد: عیسائیوں کے روحانی پیشوا پوپ فرانسس کا کہنا ہے کہ ہمارے ایمان کا جز ہے کہ پناہ گزینوں کااحترام کیا جائے۔

تفصیلات کے مطابق ویٹیکن سٹی میں کرسمس کی مرکزی تقریب سے خطاب میں کیتھولک عیسائیوں کے روحانی پیشوا پوپ فرانسس نے دنیا بھر کے عیسائیوں کو آج کے دن کی مبارکباد پیش کی اورحضرت عیسٰی علیہ اسلام کی تعلیمات پر روشنی ڈالی۔

پوپ فرانسس نے کہا کہ عیسائیت کی رو سے ان کےعقیدہ کا جز ہے کہ اپنی سر زمین سے بےدخل کیے گئے تمام پناگزینوں کوعزت واحترام دیا جائے۔

عیسائیوں کے روحانی پیشوا پوپ فرانسس نے تقریب کے اختتام پر خصوصی دعابھی کرائی۔

مسیحی برادری حضرت عیسٰی علیہ السلام کی ولادت کی خوشی میں ہرسال 25 دسمبرکوکرسمس کا تہوار مناتے ہیں جس میں عیسائی برادری کی جانب سے گرجا گھروں اور اپنے گھروں کو برقی قمقموں،اورپھولوں کے ساتھ نہایت خوبصورتی سے سجایا جاتاہے۔

کرسمس کے تہوار پر مسیحی براردی کی جانب سے ایک دوسرے کو تحائف بھی دیےجاتے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں