ویٹیکن: عیسائیوں کے روحانی پیشوا پوپ فرانسس نے اسرائیل فلسطین مسئلے کے لیے دو ریاستی حل کا مطالبہ کر دیا۔
غیر ملکی میڈیا رپورٹس کے مطابق پوپ فرانسس نے مشرق وسطیٰ کے تنازع میں کشیدگی بڑھانے والے اقدامات سے گریز کرنے اور غزہ میں فوری جنگ بندی اور بات چیت کا راستہ ہموار کرنے کا بھی مطالبہ کیا ہے۔
انھوں نے کہا میں اپیل کرتا ہوں کہ ایسا ہر اقدام روکا جائے جو تشدد میں اضافہ کرے اور مشرق وسطیٰ کو بڑے تنازع میں گھسیٹ لے، تمام ممالک اسرائیل اور فلسطین کو دو ریاستوں کے طور پر رہنے میں مدد کریں۔
ایرانی حملوں کے بعد جی سیون ممالک کو ہوش آگیا
پوپ فرانسس نے کہا اسرائیل فلسطین دو ریاستیں ہیں، اور ان کی جائز خواہش اور دو پڑوسی ریاستوں کا حق ہے، غزہ میں فوری جنگ بندی کی جائے، بات چیت کا راستہ ہموار کیا جائے، اور غزہ میں انسانی تباہی کی شکار آبادی کی مدد کی جائے، یرغمالی رہا کیے جائیں۔
ان کا کہنا تھا کہ جنگ، حملے اور تشدد بہت ہو چکا، اب امن قائم ہونے دیا جائے۔
