The news is by your side.

Advertisement

پوپ فرانسس روہنگیا مسلمانوں کی حالت زار دیکھ کر رنجیدہ ہوگئے

ڈھاکہ : مسیحیوں کے روحانی پیشوا پوپ فرانسس نے کہا ہے کہ روہنگیا کے مظلوم مسلمانوں کے مسائل کے حل کیلئے فوری طور پر فیصلہ کن اقدامات کریں۔

عالمی برادری سے یہ مطالبہ انہوں نے بنگلہ دیش کے دورے کے موقع پر تقریب سے خطاب کرتے ہوئے کیا، بنگلہ دیش پہنچنے پر سرکاری حکام اور دیگر ممالک کے سفارتکاروں نے ان پر تپاک استقبال کیا۔

بنگلہ دیش کے صدارتی محل میں بنگلہ دیشی صدر عبدالحمید سے ملاقات کے بعد گفتگو میں روہنگیا مسلمانوں کی پریشانی اور ان پر ظلم کے احوال سن کر انہوں نے انتہائی رنج و غم کا اظہار کیا۔

پوپ فرانسس کا کہنا تھا کہ میانمار اور بنگلہ دیش کا دورہ کرنے کے لیے انہوں نے یہ شرط رکھی تھی کہ روہنگیا افراد سے ان کی ملاقات کرائی جائے۔

ملاقات کے موقع پر متاثرہ افراد نے پوپ کو براہ راست اپنی مشقّت کی داستان سنائی، اس موقع پر روہنگیا مسلمانوں کی حالت زار دیکھ کر وہ زار وقطار رو پڑے۔

بنگلہ دیش میں پناہ گزین روہنگیا مسلمانوں سے ملاقات میں پوپ فرانسس نے روہنگیا مسلمانوں کو مخاطب کرتے ہوئے کہا کہ جن لوگوں نے آپ کو اذیت اور تکلیف سے دوچار کیا میں ان کی طرف سے آپ لوگوں سے معافی کا طلب گار ہوں۔

Print Friendly, PDF & Email

Comments

comments

یہ بھی پڑھیں