سنتیاگو: مسیحی مذہب کے روحانی پیشوا کا شمار اُن شخصیات میں ہوتا ہے جو سخت سیکیورٹی میں سفر کرتے ہیں ایسے ہی سفر کے دوران چلی میں اُن کی گاڑی اہلکار سے ٹکرائی تو پوپ فرانسس کے ردعمل نے دنیا کو حیران کردیا۔
تفصیلات کے مطابق پوپ فرانسس جنوبی امریکا کے علاقے کے دورے پر ہیں، چلی آمد کے موقع پر عیسائیوں کے روحانی پیشوا کے خلاف احتجاجی مظاہرے کیے گئے جس کے تحت حکومت نے انہیں سخت سیکیورٹی فراہم کی۔
مسیح افراد کو دیدار کروانے کے لیے تقریب کا انعقاد کیا گیا جس میں پوپ فرانسس ایک بگی میں سوار تھے اور اُن کے ارد گرد سیکیورٹی پروٹوکول موجود تھا، عقیدت مند سڑک کی ایک طرف اپنے روحانی پیشوا کو دیکھنے کے لیے موجود تھے۔
مزید پڑھیں: دنیا ایٹمی جنگ سے صرف ایک قدم پیچھے ہے ، پوپ فرانسس کی وارننگ
غیر ملکی خبر رساں ادارے نے ایک ویڈیو جاری کی جس میں دیکھا جاسکتا ہے کہ پوپ فرانسس کی گاڑی سڑک پر تعینات پولیس اہلکار سے ٹکرائی جس کے بعد وہ دونوں زمین پر گر گئے۔
پوپ فرانس کو جب حادثے کا احساس ہوا تو انہوں نے فوراً گاڑی رکوائی پھر نیچے اتر کر اہلکار کے پاس پہنچ گئے اور پھر اُس کی خیریت دریافت کی، ہنگامی اقدامات کے تحت پولیس اہلکار کو طبی امداد کے لیے اسپتال منتقل کیا گیا جبکہ گھوڑے کو بھی مرہم پٹی کی گئی۔
ویڈیو دیکھیں
Break in protocol — Pope Francis stops the popemobile to attend to a policewoman who was thrown off her horse as he passed behind her in Iquique, Chile pic.twitter.com/eSU41Cw5By
— AFP news agency (@AFP) January 18, 2018
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔