بھارت میں پوری زندگی سانپوں کو پکڑنے والا شخص کوبرا کے ڈسنے سے چل بسا۔
بھارتی میڈیا رپورٹس کے مطابق ریاست راجستھان کے چورو ضلع سے تعلق رکھنے والے ونود تیواری تقریباً 20 سال سے سانپوں کو پکڑ رہے تھے اور انہیں پھر جنگل میں چھوڑ دیتے تھے۔
کوبرا کے ڈسنے کا واقعہ گوگامیڈی علاقے میں پیش آیا جس کی ویڈیو سی سی ٹی وی کیمرے میں محفوظ ہوگئی۔
ویڈیو میں سانپ پکڑنے والے کو کوبرا کے ساتھ دیکھا جاتا ہے جیسے ہی انہوں نے زہریلے سانپ کو اپنے تھیلے میں ڈالنے کی کوشش کی تو اس نے اس کی انگلی کو کاٹ لیا اور چند منٹ بعد 45 سالہ شخص چل بسا۔
वीडियो राजस्थान के चुरु का है. सांप को पकड़ने आए विनोद तिवाड़ी ने जैसे ही कोबरा को बैग में डाला, कोबरा ने विनोद को काट लिया. कुछ ही मिनट के भीतर विनोद की मौत हो गई#vinod #Cobra #Churu #Rajasthan pic.twitter.com/S8nEWmUI3a
— Khabar Setu TV (@tv_setu) September 13, 2022
بھارتی میڈیا کے مطابق وہ سانپ آدمی کے نام سے مشہور تھے اور ان کی آخری رسومات میں کئی لوگوں نے شرکت کی۔
واقعے کی ویڈیو سوشل میڈیا پر تیزی سے وائرل ہورہی ہے اور ونود تیواری کی موت پر افسوس کا اظہار کررہے ہیں۔
