اسلام آباد : الیکشن ایکٹ ترمیمی بل کو ایکٹ آف پارلیمنٹ بنانے میں بریک تھرو کا امکان ہے ، قائم مقام صدر مملکت کے دستخط کرتے ہی بل ایکٹ آف پارلیمنٹ بن جائے گا۔
تفصیلات کے مطابق قائم مقام صدر صادق سنجرانی نے ایوان صدر میں ذمہ داری سنبھال لی ہیں ، الیکشن ایکٹ ترمیمی بل کوایکٹ آف پارلیمنٹ بنانےمیں بریک تھرو کا امکان ہے۔
صادق سنجرانی کا بحیثیت قائم مقام صدر مملکت دستخط کرنے اورفوری نافذ ہونے کا امکان ہے ، قائم مقام صدرصادق سنجرانی کی جانب سے الیکشن ایکٹ بل پر بھی دستخط جلد متوقع ہے۔
قائم مقام صدر مملکت کے دستخط کرتے ہی بل ایکٹ آف پارلیمنٹ بن جائے گا۔
یاد رہے گذشتہ روز قومی اسمبلی میں الیکشن ایکٹ ترمیمی بل 2023 کثرت رائے سے منظور کر لیا گیا تھا ، جس کے تحت سابق وزیراعظم نواز شریف کے سر پر لٹکی تاحیات نا اہلی کی تلوار ہٹ گئی۔
صدر مملکت ڈاکٹر عارف علوی کی ملک میں عدم موجودگی کے باعث پی ڈی ایم حکومت کے لیے اس ترمیمی بل کو پارلیمانی ایکٹ بنانے کی راہ ہموار ہوگئی تھی۔
