The news is by your side.

Advertisement

وزیر اعظم ہاؤس کی تزئین و آرائش کیلئے اضافی فنڈز کی منظوری کا امکان

اسلام آباد : وزیرخزانہ مفتاح اسماعیل کی زیرصدارت کابینہ کی اقتصادی رابطہ کمیٹی کے اجلاس میں وزیر اعظم ہاؤس کی تزئین و آرائش کیلئے اضافی فنڈز کی منظوری کا امکان ہے۔

تفصیلات کے مطابق وزیرخزانہ مفتاح اسماعیل کی زیرصدارت کابینہ کی اقتصادی رابطہ کمیٹی کااجلاس آج ہوگا، اجلاس میں 9نکاتی ایجنڈے پر غور کیا جائے گا۔

ذرائع کا کہنا ہے کہ غذائی ضروریات پوری کرنے کیلئے 30 لاکھ ٹن گندم درآمد پر غورہوگا جبکہ وزیر اعظم ہاؤس کی منٹیننس کیلئےاضافی فنڈز کی منظوری دی جائے گی۔

ذرائع نے بتایا کہ کابینہ ڈویژن کے6 طیاروں کوبہتربنانےکیلئے40ارب کی گرانٹ دی جائےگی اور ایٹمی توانائی کے 2 منصوبے کے ٹو اور کے تھری کی مدت تکمیل کو چند ماہ بڑھایا جائے گا۔

ذرائع کے مطابق سپریم کورٹ اور ججز کی رہائشگاہوں کی مرمت کیلئے اضافی فنڈز دینے اور یوٹیلٹی اسٹورز پر کم قیمت پر آٹے کی دستیابی کے لائحہ عمل پر غور کیا جائے گا۔

ذرائع کا کہنا تھا کہ آئل مارکیٹنگ کمپنیوں کوتیل کی قیمت میں فرق کی ادائیگی کی منظوری دی جائے گی۔

Comments

یہ بھی پڑھیں