اسلام آباد : صدر مملکت عارف علوی کی جانب سے انتخابات کی تاریخ دینے کا امکان ہے ، صدر آئین کے آرٹیکل 48کی شق 5کے تحت خود تاریخ دے سکتے ہیں۔
تفصیلات کے مطابق عام انتخابات کی تاریخ دینے کے معاملے پر صدر مملکت اور الیکشن کمیشن الگ الگ آئینی تشریح کررہے ہیں۔
ذرائع نے کہا ہے کہ صدر مملکت عارف علوی کی جانب سے انتخابات کی تاریخ دینے کا امکان ہے ، صدر مملکت آئین کے آرٹیکل 48کی شق 5کے تحت خود تاریخ دے سکتے ہیں۔
ذرائع کا کہنا ہے کہ صدر مملکت نے الیکشن کمیشن کو خط لکھ کر مشاورت سے متعلق آئینی حق استعمال کر لیا، چیف الیکشن کمشنر کی جانب سے جوابی خط کے بعد صدر کی جانب سے تاریخ دینے کا امکان ہے۔
صدر مملکت نےاس سے قبل پنجاب میں انتخابات کے لئے9 اپریل کی تاریخ دی تھی۔
اس سے قبل چیف الیکشن کمشنر کی زیر صدارت الیکشن کمیشن کا اہم اجلاس ہوا تھا ، جس میں قانونی ٹیم چیف لیکشن کمشنر صدر مملکت سے مشاورت نہ کرنے کی تجویز دی تھی۔
جس پر چیف الیکشن کمشنر سکندر سلطان راجا نے صدر مملکت کے خط کا جواب دینے کا فیصلہ کیا تھا۔
بعد ازاں چیف الیکشن کمشنر سکندر سلطان راجا نے صدر مملکت ڈاکٹر عارف علوی کو جوابی خط لکھ دیا ، جس میں کہا ہے کہ انہیں انتخابات کی تاریخ دینے کا اختیار نہیں، صدر اس وقت الیکشن کی تاریخ دے سکتے تھے جب وہ خود اسمبلیاں تحلیل کرتے۔
