The news is by your side.

ایم کیوایم کا وفاقی حکومت سے علیحدگی کا امکان

متحدہ قومی موومنٹ پاکستان کا پی ڈی ایم حکومت سے علیحدگی کا امکان ہے۔

ذرائع کے مطابق ایم کیوایم پاکستان کی وفاق میں حکومت چھوڑنےکی مشاورت جاری ہے اور اس سلسلے میں خالد مقبول صدیقی کی جانب سے آج رات اہم اعلان متوقع ہے۔

ذرائع کا کہنا ہے کہ ایم کیوایم پاکستان نے اپنے ایم این ایز سے استعفےطلب کر لیے ہیں۔

ایم کیوایم اجلاس میں زیادہ تر شرکا نے وفاقی حکومت سے الگ ہونےکی رائے دی ہے۔ خواجہ اظہار الحسن کا کہنا ہے کہ اجلاس میں متعدد شرکا نےوفاقی حکومت سےالگ ہونےکی رائےدی تاہم حتمی فیصلہ مشاورت کے بعد خالد مقبول کی جانب سےہی کیاجائےگا۔

اے آر وائی نیوز سے گفتگو کرتے ہوئے خواجہ اظہارالحسن نے کہا کہ میں نہیں سمجھتاکہ بلدیاتی انتخابات کا دوسرا مرحلہ ہو پائےگا بلدیاتی انتخابات کے دوسرے مرحلے کیلئے آئینی مسائل درپیش ہوں گے بلدیاتی انتخابات کا دوسرا مرحلہ عدالتوں میں جائےگا۔

ان کا کہنا تھا کہ معاملہ عدالت میں جائےگاتوہم بھی عدالتی کارروائی کاحصہ بنیں گے ہم اتنی بڑی ناانصافی نہیں ہونے دیں گے شفاف الیکشن ہونے ہیں یا نہیں بس ضد ہے الیکشن ہونے ہیں بلدیاتی انتخابات سےقبل دھاندلی ہم نہیں ہونےدیں گے۔

Comments

یہ بھی پڑھیں