کراچی : ڈیفنس فیز 8 میں فلیٹ سے ملنے والی لڑکی کی لاش کا پوسٹ مارٹم مکمل کرلیا گیا، جس میں بتایا کہ بائیس سال کی روشنی کی موت گلا گھوٹنے کے باعث ہوئی۔
تفصیلات کے مطابق کراچی کے علاقے ڈیفنس فیز ایٹ میں فلیٹ سے لڑکی کی لاش ملنے کے معاملے پر جناح اسپتال میں لڑکی کی لاش کا پوسٹ مارٹم مکمل کرلیا گیا۔
پوسٹ مارٹم رپورٹ میں بتایا گیا ہے بائیس سال کی روشنی کی موت گلا گھوٹنے کے باعث ہوئی، ڈاکٹروں کا کہنا ہے کہ لڑکی کے اہل خانہ دوپہرکولاش سول اسپتال لائے تھے پھر ساتھ لے گئے، دس گھنٹےبعد دوبارہ لاش لائے تو پوسٹ مارٹم کیا گیا۔
یاد رہے کراچی کے علاقے ڈیفنس فیز8 میں فلیٹ سے لڑکی کی لاش ملنے کے واقعے پر پولیس نے تحقیقات میں قتل کئے جانے کا شبہ ظاہر کیا تھا۔
پولیس ذرائع کا کہنا تھا کہ گھر سے خاتون روشنی علی کا موبائل فون غائب ہے جبکہ گھرمیں دوالگ الگ کمروں میں پھندے لٹکے ہوئے ملے ہیں، ایک پھندے کے قریب خون کے نشانات بھی ملے ہیں۔
پولیس کے مطابق روشنی علی آن لائن سیلزکاکام کرتی تھی،طلاق شدہ تھی، جائے وقوعہ سے شیشہ اور ادویات بھی ملی ہیں۔ پولیس ذرائع کے مطابق تحقیقات کا دائرہ وسیع کردیا گیا ہے۔
