اسلام آباد: بیرون ملک ٹریڈ افسران کی تعیناتی کے عمل میں گریڈ 20 کے بعض افسران کو انٹرویوز کے موقع پر عمل سے آؤٹ کردیا گیا، متاثرہ افسران نے عدالت سے رجوع کا فیصلہ کرلیا۔
تفصیلات کے مطابق بیرون ملک ٹریڈ افسران کی تعیناتی کا عمل تکمیل سے قبل ہی متنازع بن گیا ، گریڈ 20 کے بعض افسران کو انٹرویوز کے موقع پر عمل سے آؤٹ کردیا گیا۔
ذرائع نے بتایا کہ تحریری امتحان میں پاس بعض امیدواروں کوانٹرویوزکیلئے نااہل کردیا گیا، ایف بی آر نے 20 ستمبر کو متاثرہ افسران کا ڈیٹا بھی وزارت تجارت کو جمع کرایا۔
ذرائع کا کہنا تھا کہ متاثرہ افسران نے وزارت تجارت کےفیصلےکیخلاف عدالت سے رجوع کا فیصلہ کرلیا ہے۔
ذرائع نے مزید بتایا کہ کارکردگی جائزہ رپورٹس کی شرط پوری نہ کرنے پرافسران کونااہل کیاگیا، ان لینڈ ریونیوسروس گریڈ20 کے2افسران کو انٹرویوز کے عمل سے آؤٹ کیا گیا جبکہ شگفتہ زرین اورمحمد ابوبکر صدیق کو انٹرویوز میں بیٹھنے نہیں دیا گیا۔
ذرائع کے مطابق وزارت تجارت نےمتاثرہ افسران کوای میل کےذریعےسےانٹرویوزکیلئےنااہلی سےآگاہ کیا، گریڈ 20 کی8اسامیوں کیلئے کل 12امیدواروں نے تحریری امتحان پاس کیا۔
بیرون ملک ٹریڈ افسران کی تعیناتی کیلئے انٹرویوز کا عمل آج مکمل کیا گیا، واشنگٹن،لندن،سڈنی میں ٹریڈ افسران تعینات کئےجائیں گے جبکہ ہانگ کانگ، شنگھائی، ایدیس ابابہ، جدہ اور جکارتہ کے اسٹیشنز پربھی نئے افسران تعینات ہوں گے۔
