اسلام آباد: بجلی کمپنیوں کی صورت حال بہتر کرنے کے لیے سرکاری افسران کو سربراہان لگانے کی تیاریوں میں پیش رفت ہوئی ہے۔
تفصیلات کے مطابق ملکی تاریخ میں پہلی بار تمام ڈسکوز میں پاکستان ایڈمنسٹریٹو سروس کے افسران کی تعیناتیوں کی تجویز تیار کر لی گئی ہے۔
ذرائع کا کہنا ہے کہ پاکستان ایڈمنسٹریٹو سروس کے افسران کو تمام بجلی کمپنیوں میں سی ای اوز کے عہدوں پر تعینات کیا جائے گا، اور ان کمپنیوں کے موجودہ سربراہان کو ہٹانے کی تجویز زیر غور ہے۔
- Advertisement -
سرکاری افسران کو سی ای اوز لگانے کی یہ تجویز بجلی چوری کے خلاف مہم کامیاب کرنے کے لیے دی گئی ہے، یہ تجویز بھی دی گئی ہے کہ بجلی کمپنیوں کے سربراہان کے عہدوں پر صرف پاکستان ایڈمنسٹریٹو سروس کے افسران ہی تعینات کیے جائیں۔
واضح رہے کہ موجودہ سیکریٹری پاور ڈویژن کا تعلق بھی پاکستان ایڈمنسٹریٹیو سروس سے ہے۔
