اسلام آباد : وزارت توانائی نے آئی ایم ایف کی جانب سے گردشی قرضے ختم کی شرط کیلئے حکومت سے 1.54کھرب روپے مانگ لیے۔
تفصیلات کے مطابق وزارت توانائی نے حکومت سے مالی سال 2023-24 میں 1.54کھرب روپےمانگ لیے، ذرائع نے بتایا کہ یہ رقم آئی ایم ایف کی جانب سے گردشی قرضے ختم کی شرط کیلئے مانگی گئی۔
ذرائع کا کہنا ہے کہ آئی ایم ایف نےنئےمالی سال میں پاورجنریشن کمپنیزکےگردشی قرض ختم کرنےکی شرط لگائی ہے، گردشی قرضےختم کرنےکیلئے حکومت پہلے ہی پلان دے چکی ہے۔
ذرائع نے کہا کہ حکومت بجلی پرسبسڈی کم کرنے،گردشی قرضےختم کرنے کیلئےنرخ میں 2باراضافہ کر چکی ، اس رقم میں چین کی کمپنیز کے 250ارب روپےبھی شامل کئے گئے ہیں۔
ذرائع کے مطابق حکومت نے رواں مالی سال کے پہلے 8 ماہ میں پاور سیکٹر کے سرکلر ڈیٹ میں 419 ارب روپے کا اضافہ کیا، جس سے کل گردشی قرضہ 2.67 کھرب روپے تک پہنچ گیا۔
