لاہور: خواجہ سعد رفیق کی چھوڑی ہوئی پنجاب اسمبلی کی نشست پی پی 168 پر ضمنی انتخاب میں پی ٹی آئی امیدوار نے میدان مار لیا۔
تفصیلات کے مطابق پنجاب اسمبلی کی خالی نشست پی پی 168 پر ضمنی انتخاب تحریکِ انصاف نے جیت لیا، اس نشست پر پی ٹی آئی کے ٹکٹ پر ملک اسد کھوکھر نے انتخاب لڑا۔
[bs-quote quote=”ملک اسد کھوکھر نے 17579 ووٹ حاصل کر کے نشست اپنے نام کی جب کہ مسلم لیگ ن کے رانا خالد محمود 16892 ووٹ لے کر دوسرے نمبر پر رہے۔” style=”style-7″ align=”left” color=”#dd3333″][/bs-quote]
2018 کے عام انتخابات میں پنجاب اسمبلی کی یہ نشست خواجہ سعد رفیق نے جیتی تھی، رکن قومی اسمبلی منتخب ہونے کے بعد انھوں نے صوبائی نشست چھوڑ دی تھی۔
لاہور کے پی پی 168 کی نشست پر 83 پولنگ اسٹیشنز پر ووٹنگ ہوئی، آر ٹی ایس سسٹم کے تحت موصولہ نتیجے کے مطابق ملک اسد کھوکھر نے 17579 ووٹ حاصل کر کے نشست اپنے نام کی جب کہ مسلم لیگ ن کے رانا خالد محمود 16892 ووٹ لے کر دوسرے نمبر پر رہے۔
خیال رہے کہ پی پی 168 کے لیے گیارہ امیدواروں نے انتخاب میں حصہ لیا، پاکستان پیپلز پارٹی نے مسلم لیگ ن کی حمایت کا اعلان کر دیا تھا۔ الیکشن کے پُر امن انعقاد کے لیے رینجرز تعینات کی گئی تھی۔
یہ بھی پڑھیں: ضمنی انتخابات، تحریک انصاف کراچی سے، پشاورمیں اے این پی کامیاب
پی ٹی آئی کے کام یاب امیدوار ملک اسد نے اپنی کام یابی وزیرِ اعظم عمران خان کی پالیسیوں کا نتیجہ قرار دیتے ہوئے کہا کہ وہ وقت دور نہیں جب پورے لاہور سے تحریکِ انصاف جیتے گی۔
Despite all the propaganda by pro status quo forces, Lhestill chose to stand with PTI's agenda of change. Congratulations to Malik Asad Khokhar on his well deserved win over PMLN in PP 168 by poll. There shouldn't be any doubt left now that Pakistan is over & done with Sharifs
— Jahangir Khan Tareen (@JahangirKTareen) December 13, 2018
دریں اثنا پی ٹی آئی رہنما جہانگیر ترین نے کہا کہ اسٹیٹس کو قوتوں کے حامیوں کی جانب سے زبردست پروپیگنڈے کے با وجود لاہور نے ایک بار پھر تحریکِ انصاف کی تبدیلی کے ایجنڈے کے ساتھ کھڑا ہونا پسند کیا۔
جہانگیر ترین نے سماجی رابطوں کی ویب سائٹ ٹویٹر پر اپنے پیغام میں ملک اسد کھوکھر کو الیکشن جیتنے پر مبارک باد بھی دی۔
