The news is by your side.

Advertisement

جھنڈا کیوں لگایا؟ جماعت اسلامی اور پی پی کارکنان آمنے سامنے

کراچی : ناظم آباد میں تعمیر پارک کے افتتاح کے موقع پر دو سیاسی جماعتوں کے کارکنان میں تلخ کلامی ہوگئی جس کے نتیجے میں تقریب میں بد نظمی دیکھنے میں آئی۔

اس موقع پر جماعت اسلامی اور پی پی کارکنان آمنے سامنے آگئے، ایڈمنسٹریٹر کراچی مرتضیٰ وہاب کی موجودگی میں صورتحال کشیدہ ہوگئی۔

جماعت اسلامی کے کارکنان نے اعتراض کیا کہ اس جگہ آپ نے پیپلزپارٹی کے جھنڈے کیوں لگائے؟ پیپلز پارٹی اور جماعت اسلامی کے کارکنان کی جھنڈا اتارنے پر تلخ کلامی ہوگئی۔

جیالوں کا مؤقف تھا کہ یہ ایڈمنسٹریٹر مرتضیٰ وہاب کا پروگرام ہے لہٰذا جھنڈا پی پی کا بھی لگے گا جبکہ جماعت اسلامی کارکنان کا کہنا تھا کہ پارک ہماری محنت کے بعد بنا ہے اس لیے یہاں پی پی کا جھنڈا نہ لگایا جائے۔

اس موقع پر ایڈمنسٹریٹر کراچی مرتضی وہاب نے کارکنان کو سمجھایا کہ لڑائی لڑائی معاف کریں ، سب مل کر اللہ کا گھر صاف کریں اور سب مل کرعلاقے اور شہر کو بہتر بنانے کے لیے اپنا کردار ادا کریں۔

Comments

یہ بھی پڑھیں