وفاقی حکومت میں اتحادی پیپلزپارٹی اور ن لیگ میں گورنر سندھ کی تبدیلی پر اتفاق ہو گیا۔
ذرائع کے مطابق ن لیگ کی جانب سے تجویزکردہ نام بشیر میمن پر پیپلزپارٹی کو راضی کر لیا گیا ہے۔ بشیرمیمن سابق ڈی جی ایف آئی اےاورن لیگ سندھ کےصدر ہیں۔
ن لیگ گورنر سندھ کی تبدیلی کیلئے عرصے سے کوشاں تھی تاہم پیپلزپارٹی نئے گورنر سندھ کے نام پر متفق نہیں تھی۔
- Advertisement -
ن لیگ کی جانب سے تجویز کردہ بشیر میمن کے نام پر پیپلزپارٹی کو اعتراض تھا جس کی وجہ سے گورنر سندھ کامران ٹیسوری کو تبدیل کرنے میں تاخیر ہو رہی تھی۔
تاہم اب اتحادی جماعتوں میں بشیرمیمن کے نام پر اتفاق رائے پایا جاتا ہے اور جلد ہی گورنر سندھ کی تبدیلی عمل میں لائی جائے گی۔
