لاڑکانہ: بلاول بھٹو زرداری نے پارٹی ورکرز اور عہدیداروں کو بلدیاتی انتخابات میں لازمی جیتنے کا ٹاسک دیدیا۔
لاڑکانہ میں سندھ کے آٹھ اضلاع کے منتخب نمائندوں نے پیپلزپارٹی کے چیرمین بلاول بھٹو زرداری سے ملاقاتیں کیں، بلاول بھٹو زرداری نے ورکرز اور عہدیداروں کو بلدیاتی انتخابات میں لازمی جیتنے کا ٹاسک دیدیا۔
انہوں نے ہدایت کی کہ عہدیدار اور کارکن عوام کے ساتھ اپنے روابط بڑھائیں اور پارٹی کی تنظیم سازی کومزید منظم کیا جائے۔
پیپلزپارٹی کے چیرمین بلاول بھٹو زرداری نے بلدیاتی انتخابات میں نئے چہرے سامنے لانے کا فیصلہ کرتے ہوئے پارٹی کے منتخب نمائندوں کے عزیزوں کو ٹکٹ نہ دینے کا اعلان کیا ہے۔
