The news is by your side.

Advertisement

پیپلزپارٹی نےضمنی الیکشن نہ لڑنے کا اعلان کر دیا

اسلام آباد : پیپلز پارٹی نےالیکشن کمیشن پنجاب کی موجودگی میں ضمنی انتخاب نہ لڑنے کا اعلان کر تے ہوئے الیکشن کمیشن سے استعفے کا مطالبہ کر دیا۔

پی پی پنجاب کے رہنما اور سابق گورنر پنجاب لطیف کھوسہ نے کہا کہ کمیشن کا فیصلہ آجانے کے بعد صوبائی الیکنش کمیشن کو مستعفی ہوجانا چاہئے تھا۔

اسلام آباد میں ایک مشاورتی اجلاس کے بعد پریس کانفرنس کے دوران پیپلز پارٹی کی نائب صدر شیری رحمان کا کہنا تھا کہ پیپلزپارٹی نہیں چاہتی کہ جمہوریت کا تسلسل ٹوٹے۔

رہنماؤں نے میڈیا کو بتایا کہ ضمنی انتخابات کیلئے پی پی پی کی جانب سے امیدواروں کا اعلان تو کیا جائے گا تاہم الیکشن کمیشن ارکان کے مستعفی نہ ہونے کی صورت میں امیدواروں کو دستبردار کروا لیا جائے گا۔

سابق گورنر پنجاب لطیف کھوسہ نے کہا کہ الیکشن کمیشن نے اپنے فرائض سرانجام نہیں دیئے پھر بھی پیپلز پارٹی نے جمہوریت کےلئے انتخابات کے نتائج تسلیم کئے، ان کا کہنا تھا کہ کمیشن کا فیصلہ آجانےکےبعد صوبائی الیکشن کمیشن کومستعفی ہوجاناچاہیے۔

پیپلزپارٹی پنجاب کے صدر منظو وٹو نے صوبائی الیکشن کمشنز کی موجودگی میں ضمنی انتخابات میں حصہ نہ لینے کا اعلان کر دیا۔

منظور وٹو کا کہنا تھا کہ پنجاب میں مسلم لیگ ن کے علاوہ کسی بھی دوسری جماعت کے ساتھ اتحاد کر سکتے ہیں۔ پیپلزپارٹی کے رہنماؤں کے مطابق الیکشن کمیشن کے موجودہ ارکان کو اپنے عہدوں سے استعفے دے دینے چاہیئں۔

Comments

comments

یہ بھی پڑھیں