پیپلز پارٹی کا وفد بیگم کلثوم نواز کی نماز جنازہ میں شرکت کرے گا -
The news is by your side.

Advertisement

پیپلز پارٹی کا وفد بیگم کلثوم نواز کی نماز جنازہ میں شرکت کرے گا

لاہور: پیپلز پارٹی کا وفد بیگم کلثوم نواز کی نماز جنازہ میں شرکت کرے گا۔ پارٹی کے چیئرمین بلاول بھٹو بعد میں تعزیت کریں گے۔

تفصیلات کے مطابق چیئرمین پیپلز پارٹی بلاول بھٹو نے سابق خاتون اول بیگم کلثوم نواز کی نماز جنازہ میں شرکت کے لیے وفد تشکیل دے دیا۔

وفد میں یوسف رضا گیلانی، راجہ پرویز اشرف، خورشید شاہ، نوید قمر، قمر الزمان کائرہ، چوہدری منظور اور حسن مرتضیٰ شامل ہیں۔

چیئرمین پیپلز پارٹی بلاول بھٹو بعد میں اہلخانہ سے تعزیت کریں گے۔

خیال رہے کہ سابق خاتون اول  بیگم کلثوم نواز طویل علالت کے بعد لندن میں انتقال کر گئی تھیں۔

اس موقع پر نواز شریف، ان کی صاحبزادی مریم نواز اور داماد کیپٹن صفدر کو  پیرول پر رہا کیا گیا تھا۔

سابق خاتون اول کا جسد خاکی وطن لانے کے لیے نواز شریف کے بھائی شہباز شریف لندن پہنچے ہیں۔

بیگم کلثوم نواز کی نماز جنازہ آج شام لندن میں ادا کی جائے گی جس کے بعد شہباز شریف ان کا جسد خاکی لے کر وطن واپس پہنچیں گے۔

سابق خاتون اول کی تدفین لاہور میں واقع ان کی رہائش گاہ جاتی امرا میں ہی کی جائے گی۔

Comments

comments

یہ بھی پڑھیں