The news is by your side.

Advertisement

پی ٹی آئی لانگ مارچ : پیپلزپارٹی نے بڑا مطالبہ کردیا

کراچی : پیپلزپارٹی نے پی ٹی آئی لانگ مارچ کے دوران املاک جلانے کے مقدمات پی ٹی آئی قیادت پر درج کرنے کا مطالبہ کردیا۔

تفصیلات کے مطابق سیکرٹری جنرل پیپلز پارٹی سیدنیئرحسین بخاری نے املاک جلانے کے مقدمات پاکستان تحریک انصاف کی قیادت پر درج کرنے کا مطالبہ کردیا۔

نیئر بخاری نے کہا کہفساد،انتشار،جلاؤگھیراؤ ریاست کی رٹ چیلنج کرنےکےمترادف ہے، پولیس گاڑیاں جلانا، امن قائم کرنیوالوں پرحملےغنڈہ گردی ہے۔

سیکرٹری جنرل پیپلز پارٹی نے کہا کہ اسلام آباد و دیگر شہروں میں بینکوں کو لوٹنے والوں کوگرفتارکیاجائے اور سرکاری املاک کے نقصان کا تخمینہ لگا کر رقوم پی ٹی آئی سے وصول کی جائے۔

ان کا کہنا تھا کہ وصول شدہ رقوم متاثرین میں تقسیم کر کے ازالہ کیا جائے۔

یاد رہے گذشتہ روز پولیس حقیقی آزادی لانگ مارچ کے شرکا پر ٹوٹ پڑی ، نہتے لوگوں پر لاٹھیاں برسائی گئیں اور آنسوگیس کی شدید شیلنگ کی گئی۔

تمام ریاستی ہتھکنڈوں کے باوجود لوگ ڈٹے رہےاور کئی شیل پولیس پر واپس پھینک دیے جبکہ دوسری جانب اہلکار گلو بٹ کی طرح گاڑیوں کے شیشے توڑتے رہے۔

Comments

یہ بھی پڑھیں