اسلام آباد : پیپلز پارٹی کے رہنما فیصل کریم کنڈی نے دعویٰ کیا ہے کہ آج متحدہ اپوزیشن کا وزیر اعظم آئے گا، ہمارے ایک سو اٹھتر ارکان ایوان میں موجود ہیں۔
تفصیلات کے مطابق پیپلز پارٹی کے رہنما فیصل کریم کنڈی کی جانب سے بیان میں کہا گیا ہے کہ حکومتی اراکین راہ فرارکی کوشش کررہے ہیں اور اسپیکرکی جوکچھ عزت ہے وہ بھی گنوا دیں گے۔
فیصل کریم کنڈی نے دعویٰ کیا کہ ہمارے ایک سو اٹھتر ارکان ایوان میں موجودہیں، اورموجود رہیں گے، آج متحدہ اپوزیشن کا وزیر اعظم آئے گا۔
پیپلز پارٹی کے رہنما کا کہنا تھا کہ عمران خان اپنے ممبران کی بے توقیری کر رہے ہیں ، کرکٹ کی زبان میں سمجھا رہے ہیں ہم ڈبل سنچری کریں گے
انھوں نے مزید کہا کہ عمران خان کہتا ہے میں آخری بال تک کھیلوں گا ، آج ضرور ووٹنگ ہوگی ورنہ ان کے خلاف توہین عدالت ہو گی۔
فیصل کریم کنڈی کا کہنا تھا کہ اگر 176 نے غداری کی ہے تو ان پر آرٹیکل6 لگے ، ورنہ وزیراعظم، صدر اوراسپیکر پرآرٹیکل 6 لگایا جائے۔
