کراچی : اورنگی ٹاؤن میں میں فائرنگ سے پیپلزپارٹی کے عہدیدارجاں بحق ہوگئے، پولیس نے بتایا کہ مقتول کوقریب سے دس گولیاں ماری گئیں۔
تفصیلات کے مطابق کراچی کے علاقے اورنگی ٹاؤن سیکٹرساڑھے11میں ٹارگٹ کلنگ کی واردات ہوئی ، فائرنگ سے سیاسی جماعت کا علاقائی عہدیدارجاں بحق ہوگیا۔
کرائم سین یونٹ کاعملہ 3گھنٹے تاخیرسےپہنچا،فائرنگ رات10:15منٹ پرہوئی، پولیس نے بتایا کہ مقتول کوقریب سے10گولیاں ماری گئیں اور 2 ہتھیار استعمال ہوئے تاہم مقتول کی لاش ضابطے کی کارروائی کے لئےعباسی اسپتال منتقل کردی گئی ہے۔
اورنگی ٹاؤن میں جاں بحق شخص کی شناخت امجدحسین کےنام سےہوئی ، مقتول پیپلزپارٹی کاعلاقائی عہدیدارہے، مقتول کوسراورسینےپر4گولیاں ماری گئی، فائرنگ کاواقعہ بظاہرٹارگٹ کلنگ معلوم ہوتا ہے۔
پولیس نے جائے وقوعہ سےنائن ایم ایم اور30بورکےخول تحویل لیے ہیں ، تفتیشی حکام نے بتایا کہ ایک موٹرسائیکل پر3 ملزمان سوار تھے، ساتھی 2 موٹر سائیکلوں پر بیک اپ پربھی موجود تھے تاہم جائے وقوعہ اور اطراف کی سی سی ٹی وی کیمرے تلاش کئے جارہے ہیں۔
نگران وزیراعلیٰ سندھ جسٹس(ر)مقبول باقر نے پیپلزپارٹی اورنگی کے رہنما محمد حسین کے قتل کا نوٹس لیتے ہوئے آئی جی سندھ کو محمد حسین کےقاتلوں کو فوری گرفتار کرنے کی ہدایت کردی۔
