The news is by your side.

Advertisement

پیپلزپارٹی کے سینئر رہنما چوہدری احمد مختار انتقال کرگئے

لاہور: پیپلزپارٹی کے سینئر رہنما چوہدری احمدمختارانتقال کرگئے ، احمد مختارماضی میں دفاع، پانی وبجلی اورتجارت کے وزیر رہ چکے ہیں۔

تفصیلات کے مطابق پیپلزپارٹی کے سینئررہنما سابق وفاقی وزیرچوہدری احمد مختار انتقال کرگئے، مرحوم کی نمازجنازہ آج بعد از نماز ظہر ٹی بلاک مسجد ڈی ایچ اے لاہورمیں ادا کی جائے گی۔

چوہدری احمد مختارپیپلز پارٹی میں ذوالفقارعلی بھٹو اوربینظیر بھٹو کے ساتھ سیاست میں متحرک رہے اور طویل عرصے سے علالت کے باعث عملی سیاست سے کنارہ کشی اختیار کرچکے تھے۔

چوہدری احمد مختار سابق صدر آصف علی زرداری کے قریبی دوست بھی تھے،چوہدری احمد مختار وزیر تجارت، وزیردفاع رہے اور بطور چیئرمین پی آئی اے بھی خدمات سر انجام دی۔

مرحوم چودھری مختارنےدوبیٹے،ایک بیٹی اوربیوہ سوگوارچھوڑے ہیں۔

یاد رہے چند روز قبل پاکستان پیپلز پارٹی کے ایم پی اے جام مدد علی کرونا وائرس کا شکار ہونے کے بعد انتقال کر گئے، ان کی عمر 57 برس تھی، وہ علی سانگھڑ سے پیپلز پارٹی کی نشست پر منتخب ہوئے تھے۔

Comments

یہ بھی پڑھیں