کراچی : اپوزیشن لیڈر حلیم عادل شیخ کی بیٹی عائشہ حلیم کا کہنا ہے کہ پیپلزپارٹی میرے والد کو جیل میں قتل کروانا چاہتی تھی، والد کوکچھ بھی ہواتوذمہ دارپی پی اور سندھ حکومت ہوگی۔

تفصیلات کے مطابق اپوزیشن لیڈر حلیم عادل شیخ کی بیٹی عائشہ حلیم نے اپنے بیان میں کہا ہے کہ پیپلزپارٹی میرے والد کو جیل میں قتل کروانا چاہتی تھی، والد صاحب زخموں کی وجہ سےچل نہیں سکتے، حلیم عادل شیخ کاقصورسندھ کےعوام کی آوازبنناہے، والدکوکچھ بھی ہواتوذمہ دارپی پی اورسندھ حکومت ہوگی۔

دوسری جانب حلیم عادل شیخ کے فرزنداحسن عادل شیخ نے ویڈیو بیان جاری کیا ہے ، جس میں کہا ہے کہ اسپتال میں والد سے ملاقات ہوئی ، والد کے جسم  کے مختلف حصوں پر زخم کے واضح نشانات ہیں، والدنےبتایا40سے50لوگوں نےتشددکیا، ساتھیوں سےالگ کرکےوالدکوجیل میں منتقل کیا گیا تھا۔

احسن عادل نے الزام لگایا کہ پی پی غنڈوں نے جئےبھٹو کے نعرے لگا کر حملہ کیا، پی پی نے انتظامیہ سے ملکر سازش کے تحت حملہ کروایا، کچھ سپاہیوں نے والد کو حملہ آوروں سے بچاکر محفوظ مقام پرمنتقل کیا، مرادعلی شاہ یہ نہ بھولیں انہیں بھی اسی جیل میں آنا ہوگا۔