مٹھی : پیپلزپارٹی آج مٹھی میں سیاسی طاقت کا مظاہرہ کرے گی، چیئرمین پیپلز پارٹی بلاول بھٹو جلسے سے خطاب کریں گے۔
تفصیلات کے مطابق پیپلزپارٹی کا پہلا انتخابی مہم کاجلسہ آج مٹھی میں ہوگا ، ماروی گراؤنڈ میں جلسےکی تیاریاں مکمل کرلی گئیں ہیں اور پنڈال سجا دیا ہے۔
چیئرمین پیپلز پارٹی بلاول بھٹو ماروی گراؤنڈ میں جلسے سے خطاب کریں گے، جس میں بلاول بھٹو الیکشن مہم کا باضابطہ آغاز اور آئندہ لائحہ عمل کے اعلان کریں گے۔
منتظمین کا کہنا ہے کہ جلسہ گاہ میں پچاس ہزار کرسیاں لگائی جائیں گی، جلسہ گاہ کےاطراف سیکیورٹی کےسخت انتظامات کئے گئے ہیں، جلسہ آج شام پانچ بجے شروع ہوگا، جس میں شرکت کیلئے تھرپارکر کے مختلف شہروں سے کارکنان آئیں گے۔
اس حوالے سے پیپلز پارٹی کے رہنما عاجز دھامرا نے کہا کہ پیپلزپارٹی کے مٹھی میں جلسے میں آصف زرداری سمیت مرکزی قیادت شرکت کرے گی، یہ جلسہ ماضی کے تمام جلسوں کا ریکارڈ توڑے گا۔
عاجز دھامرا کا کہنا تھا کہ 16 نومبرسے آصف زرداری کےپی کاتفصیلی دورہ کرین گے ، انتخابات8 فروری کو ہونے ہیں،شیڈول آنا ابھی باقی ہے، پیپلزپارٹی کا یہی مؤقف تھا آئین کے مطابق الیکشن تاریخ دی جائے۔
انھوں نے مزید کہا کہ پیپلزپارٹی کیخلاف بننےوالے روایتی اتحاد کو خوش آمد کہتے ہیں، پیپلزپارٹی مایوسی کا شکار نہیں اس اتحاد کو شکست دیں گے ، پیپلزپارٹی علاقائی جماعت ہے تو اسکےخلاف اتحاد کیوں بن رہےہیں، پیپلزپارٹی ہمیشہ کی طرح گراؤنڈمیں مقابلہ کرنے کوتیار ہے۔
