پاکستان پیپلز پارٹی نے گورنر ہاؤس خیبر پختونخوا کو اپنی سیاسی سرگرمیوں کا مرکز بنانے کا فیصلہ کیا ہے۔
وزیراعلیٰ خیبر پختونخوا علی امین گنڈاپور اور گورنر فیصل کریم کنڈی کے درمیان مخالفانہ بیانات کے بعد پی پی اور پی ٹی آئی کے درمیان خلیج مزید وسیع ہو رہی ہے اور اب پیپلز پارٹی نے گورنر ہاؤس پیشاور کو سیاسی سرگرمیوں کا مرکز بنانے کا فیصلہ کیا ہے۔
پیپلز پارٹی کے چیئرمین بلاول بھٹو زرداری کی ہدایت پر پی پی کے صوبائی صدر سید محمد علی شاہ نے گورنر ہاؤس میں پارٹی اجلاس طلب کر لیا ہے۔
یہ اجلاس سید محمد علی شاہ کی زیر صدارت 20 اور 21 مئی کو گورنر ہاؤس میں ہوگا جس میں مختلف اضلاع کی تنظیموں کے رہنما شرکت کریں گے۔
20 مئی کو پشاور اور مردان جب کہ 21 مئی کو کوہاٹ، بنوں اور ڈیرہ کی تنظیموں کا اجلاس ہوگا جس میں پارٹی امور پر غور وخوض کیا جائے گا۔
واضح رہے کہ پی پی کے فیصل کریم کنڈی کے وزیراعلیٰ خیبر پختونخوا بننے کے بعد سے وزیراعلیٰ علی امین گنڈاپور اور ان کے درمیان تلخ بیانات کا تبادلہ جاری ہے۔
گزشتہ دنوں گورنر کے خیبر پختونخوا ہاؤس میں داخلے پر پابندی عائد کردی تھی۔
وزیراعلیٰ علی گنڈا پور نے گورنر کے خیبر پختونخوا ہاؤس میں داخلے پر پابندی عائد کردی
