سپریم کورٹ نے پریکٹس اینڈ پروسیجر ایکٹ کے خلاف آئینی درخواستوں پر تحریری حکم نامہ جاری کر دیا۔
سپریم کورٹ نے آٹھ جون کی سماعت کا تحریری حکم نامہ جاری کیا ہے۔ سپریم کورٹ نے پریکٹس اینڈ پروسیجر ایکٹ کے خلاف جاری حکم امتناع میں ایک ماہ کی توسیع کر دی۔
حکم نامہ کے مطابق اٹارنی جنرل کی عدالتی اصلاحات قانون اور نظرثانی کے نئے قانون میں درستگی کے لیے مزید مہلت کی استدعا کی ہے اٹارنی جنرل کے مطابق دونوں قوانین میں غلطیوں کی درستگی کے لیے ڈرافٹ شروع ہوچکا۔
سپریم کورٹ کا کہنا ہے کہ اٹارنی جنرل کے مطابق پارلیمنٹ کے بجٹ سیشن اور عید تعطیلات کی وجہ سے قانون سازی کے لیے مزید وقت درکار ہے، 8 رکنی بنچ میں شامل جسٹس شاہد وحید کی علالت کے باعث کھلی عدالت میں سماعت نہ ہوسکی۔
سپریم کورٹ پریکٹس اینڈ پروسیجر ایکٹ کے خلاف آئینی درخواستوں پر سماعت جولائی تک ملتوی کر دی گئی۔
