اسلام آباد : پریکٹس اینڈ پروسیجر ترمیمی آرڈیننس سپریم کورٹ میں چیلنج کردیا گیا، جس میں استدعا کی آرڈیننس کے تحت ہونے والے تمام اقدامات کالعدم قرار دیں۔
تفصیلات کے مطابق پریکٹس اینڈ پروسیجر ترمیمی آرڈیننس کیخلاف سپریم کورٹ میں درخواست دائر کردی گئی، چوہدری احتشام الحق ایڈووکیٹ نے سپریم کورٹ میں درخواست دائر کی۔
درخواست گزار نے کہا کہ آرڈیننس کااجراپارلیمانی جمہوریت کےخلاف ہے، سپریم کورٹ بھی قرار دے چکی ہے کہ آرڈیننس صرف ہنگامی حالات میں جاری ہو سکتا ہے۔
درخواست میں استدعا کی گئی کہ ترمیمی آرڈیننس کوآئین سےمتصادم قراردیاجائے اور آرڈیننس کے تحت ہونے والے تمام اقدامات کالعدم قرار دیں۔
درخواست گزار نے یہ بھی استدعا کی کہ درخواست پر فیصلے تک پریکٹس اینڈ پروسیجر ترمیمی آرڈیننس معطل کیا جائے۔
یاد رہے پریکٹس اینڈ پروسیجر آرڈیننس کو لاہورہائیکورٹ میں بھی چیلنج کیا گیا تھا ، جس میں استدعا کی تھی درخواست کے حتمی فیصلے تک آرڈیننس پرعملدرآمد روکنے کا حکم دیں۔
درخواست میں کہا گیا تھا کہ صدارتی آرڈیننس بدنیتی پرمبنی ہے، پریکٹس اینڈپروسیجرایکٹ سےمتعلق سپریم کورٹ کافیصلہ موجودہے، آرڈیننس سےسپریم کورٹ کےاختیارات کو کم یازیادہ نہیں کیاجاسکتا۔
