موسم بدل رہا ملک بھر میں کہی سردی کی رخصت اور گرمی کی آمد ہے اور اس طرح کے موسم ہماری صحت پر بھی اثر انداز ہوتے ہیں۔
اس بات کا علم بہت کم لوگوں کو ہے کہ گرمی سے ہونے والی بے چینی کا اثر مزاج پر تو محسوس ہوتا ہے لیکن جسمانی صحت پر اس کے اثرات مرتب ہوتے ہیں۔
موسم کی تبدیلی کے ساتھ کئی بیماریاں ہم پر حملہ کرتی ہیں، جس میں سب سے زیادوہ بچے متاثر ہوتے ہیں اس دوران اگر ان کی خوراک متوازن نہ ہو تو ان میں بیماریوں سے لڑنے کے لئے صلاحیت کم ہوجاتی ہے۔
ایسے میں موسم کی تبدیلی کا اثر بخار، سردی سے بڑھ کر بڑی بیماریوں سی شکل بھی اختیار کر لیتا ہے، ایسی صورتحال میں ڈاکٹر مشورہ دیتے ہیں کہ متوازن غذا کا استعمال کریں۔
ماہرین کہتے ہیں کہ اپنی خوراک میں اسی اشیاء کو شامل کریں جو قوت مدافعت بڑھاتی ہیں، صاف پانی پئیں، پانی میں آلودگی کا خدشہ ہونے پر اسے ابال کر پینا چاہئے۔
سردی کے موسم میں زیادہ پیاس نہ لگنا ایک فطری بات ہے ہم پانی کم پیتے ہیں اور خاص کر بچے، ایسے میں بچوں کو بھی زیادہ پانی پینے کی تلقین کریں۔
گرمی کا موسم جراثیم کی افزائش کا ہوتا ہے۔ عام طور پر ہم سنتے ہیں وائرل پھیلا ہے اسی وجہ سے بخار ہے۔ گرمی کی ان تکالیف سے بچنے کا یہی طریقہ ہے کہ گھر کا بنا کھانا کھائیں۔
کڑی دھوپ کے اوقات میں ممکن حد تک گھر میں رہیں۔ آرام دہ سوتی کپڑوں کا استعمال کریں۔ پھل، سبزیاں مکمل صفائی سے دھو کر استعمال کریں، پانی میں سبزہ بھگو کر رکھیں اور یہی سبزہ والا پانی استعمال کریں۔
صحت کے چند راہ نما اصول جو ہر موسم میں کارگر ہوتے ہیں ان کو اپنائیں جس میں صبح جلدی اٹھنا، چہل قدمی کے لئے کسی پارک تک جانا، روزانہ نصف گھنٹہ پیدل چلنا، گھر کا کھانا کھانا اور 8 گھنٹے کی نیند لینا یہ وہ عادتیں ہیں جو آپ کو تندرست رکھنے کی ضامن ہیں۔
